Նա, ով գոնե մեկ անգամ առընչվել է մանկական ֆոտոնկարահանում կազմակերպելու խնդրին, կհաստատի, որ սա բավականին բարդ և շատ պատասխանատու գործ է, հատկապես, երբ խոսքը գնում է մինչև 1 տարեկան փոքրիկներին լուսանկարելու մասին:

Առավել բարդ է լուսանկարներ պատրաստել ըստ բալիկի ամսականների՝ ցույց տալով նրա մեծանալու գործընթացը և տարվա մեջ կատարվող փոփոխությունները։

Շատ ծնողներ հատուկ խնամքով են պատրաստվում երեխայի ըստ ամիսների ֆոտոշարքին՝ մանրամասն ուսումնասիրելով տարբեր կերպարներ: Իհարկե, երեխաները ոչ մի բան չեն հիշի այս օրերի և ոչ էլ նրանց կյանքի առաջին տարվա մասին, բայց երբ նրանք մեծանան, հավանաբար, շնորհակալ կլինեն մայրիկին և հայրիկին` նման կարևոր ժամանակահատվածի հիշողությունը պահպանելու համար: Երեխայի մեծանալու փուլերը կարելի է ցույց տալ՝ օգտագործելով մի շարք նկարներ, որոնք պետք է արվեն ամեն ամիս: 

Մենք առաջարկում ենք ձեզ մի քանի կրեատիվ և  հետաքրքիր գաղափարներ։

1. Ամեն ամիս լուսանկարեք ձեր երեխային մեծ փափուկ խաղալիքի հետ: Այս լուսանկարները ցույց կտան, թե որքան արագ է մեծանում երեխան. առաջին ամսվա ընթացքում նա խաղալիքից փոքր կլինի, իսկ 12-րդ ամսին խաղալիքի համեմատ արդեն «հսկա» կթվա: 

2. Մինչև մեկ տարեկան երեխաների լուսանկարների համար հիանալի գաղափար կլինի երեխայի և մոր համատեղ ֆոտոսեսիան: Լուսանկարներ կարելի է անելի նույնիսկ հղիության փուլում: Կարևոր է, որ բոլոր նկարներում զգեստապահարանը լինի նույն գունային գամայի մեջ: 

3. Նկարեք երեխային նույն զամբյուղի մեջ: Լուսանկարները տեսանելիորեն ցույց կտան բալիկի մեծանալու փուլերը:

4. Լուսանկարեք երեխային ամիսների թվերին համապատասխան ֆոնի վրա, որոնք կարող եք ստանալ տարբեր առարկաներից և իրերից (խաղալիքներ, մանկական հիգիենայի միջոցներ, ծաղիկներ, բանջարեղեն, մանկական գուլպաներ)։

5. Լուսանկարեք երեխային բոդիով, որի վրա ամսին համապատախան թիվ է կամ կպչուն։ Վերջիններս վաճառվում են շատ խանութներում, բայց կարող եք պարզապես գտնել դրանք ինտերնետում և ինքներդ տպել:

6. Հիանալի գաղափար է երեխային ծնողների հետ լուսանկարելը այնպես, որ շրջանակում լինեն միայն դեմքերը: Արեք այս տեսակ լուսանկար ամեն ամիս և հետևեք, թե ինչպես եք ամեն ամիս միասին փոխվում:

7. Նկարահանեք երեխային փուչիկների հետ, որոնց քանակը համապատասխան կլինի երեխայի տարիքին․ 1 ամիս – 1 փուչիկ, 2 ամիս - 2 փուչիկ և այլն:

8. Ստացեք ամսականին համապատասխան թիվը այլ լուսանկարների միջոցով: Օգտագործելով ընտանեկան լուսանկարներ, ստացեք թիվը, հարմարեցրեք երեխային այդ թվի կողքին։ Հիանալի լուսանկար կստանաք։

9. Օտագործեք թվերի գրվածքներով վերմակ կամ ծածկոց, որը ծառայում է որպես ֆոն, և դուք ընտրեք համապատասխան ամիսը:

10. Լուսանկարեք երեխային ժամացույցի հետ, որտեղ փոքրիկ սլաքը ցույց կտա երեխայի ամիսը:

11. Երեխան ինքը կարող է դառնալ  համապատասխան թվի անմիջական մասը: Պարզապես անհրաժեշտ կլինի ճիշտ և հարմար ձևով պառկացնել բալիկին:

12. Դուք կարող եք նաև լուսանկարել երեխային թիվ-փուչիկի հետ։ 

13. Նկարեք երեխային ծննդյան տորթի կողքին:

Ինչպես տեսնում եք, ամսականների ֆոտոշարքերի վերաբերյալ շատ գաղափարներ կան: Ուսումնասիրեք և ընտրեք այն տարբերակը, որը լավագույնս համապատասխանում է ձեր նախասիրություններին: