Բժշկական վիճակագրության համաձայն՝ աշխարհում ամեն տարի քաղցկեղով հիվանդանում է մոտ 200 հազար երեխա։

Քանի որ ժամանակին աշտորոշումը համարվում է քաղցկեղի հաջող բուժման բանալին այս օրը աշխարհի տարբեր երկրներում անցկացվում են տվյալ թեմային վերաբերվող ուսումնական դասախոսություններ, գիտաժողովներ, սեմինարներ։ Հասարակական կազմակերպությունները կազմակերպում են միջոցառումներ և ֆլեշմոբներ, որոնք ուշադրություն են հրավիրում առողջապահական հրատապ խնդիրների վրա։ Բարեգործական հիմնադրամները միջոցներ են հավաքում հիվանդությամբ տառապողներին օգնելու համար։

Լալունցը բարձր գնահատում և արժևորում է երեխաների ֆիզիկական և հոգեկան առողջությունը։ Մեր նպատակն է երեխաներին սեր և ջերմություն պարգևելը։ Այդ իսկ պատճառով ստեղծեցինք հատուկ կապսուլային հավաքածու՝ «Բարության շողեր», որի հիմքում սերն է դեպի երեխանեերը։ Հավաքածուի ամեն մոդելի վրա կտեսնեք որևէ կերպար, գրվածք կամ տպագրություն, որոնք մոտիվացանող բնույթ են կրում, և ընդգծում են մեր լավատեսությունը, երեխաների կողքը լինելու և նրանց աջակցելու մեր պատրաստակամությունը։

Այս հավաքածուի վաճառքից գոյացած հասույթի 15% ուղղելու ենք «City of smile» հիմնադրամի օգտին՝ թեկուզ փոքր ներդրում ունենալու համար քաղցկեղով հիվանդ երեխաների բուժման գործին։

«City of smile» կամ «Ժպիտների Քաղաք» բարեգործական հիմնադրամը ստեղծվել է քաղցկեղ եւ արյան հիվանդություններ ունեցող մարդկանց աջակցելու համար։ Վերջինիս առաքելությունն է լինել նրանց և նրանց ընտանիքների կողքին և օգնել արժանապատվորեն անցնել քաղցկեղի հաղթահարման դժվարին ճանապարհը։

Լալունցը Քաղցկեղով հիվանդ երեխաների օրվան ընդառաջ այցելեց «City of smile»  բժշկական կենտրոն՝ երեխաների կողքը լինելու, նրանց սեր և ջերմություն պարգևելու համար։

Մեր «Բարության շողեր» հավաքածուի մոդելները հույս և ջերմություն կպարգևեն կենտրոնում բուժում ստացող երեխանրին։

Թող որ աշխարհի բոլոր մանուկները առողջ լինեն։